www.brocernyw.cymru

Croeso i wefan Bro Cernyw

Gwefan Cyngor Cymuned Bro Cernyw ar gyfer ardal pentrefi Llangernyw, Pandy Tudur a Gwytherin.

Sylwch: Bydd y pwyllgor nesaf yn cael ei gynnal wythnos ynghynt ym mis Chwefror sef ar Chwefror 19eg.

Cynllun Trafnidiaeth Rhanbarthol

Mae Uchelgais Gogledd Cymru wedi lansio ymgynghoriad cyhoeddus ar Gynllun Trafnidiaeth Rhanbarthol arfaethedig ar gyfer Gogledd Cymru.

Gallwch weld y cynigion a chyflwyno eich adborth drwy ystafell ymgysylltu rithwir, yma https://bit.ly/CTRhGCymgysylltu-rhithwir

Y dyddiad cau ar gyfer ymatebion yw 23:59pm ar 14 Ebrill 2025.

Cysylltwch â thîm y prosiect drwy northwalesregionaltransportplan@arup.com os oes gennych unrhyw gwestiynau neu os hoffech ofyn am gopïau papur o'r dogfennau ymgynghori

Rhifedd Byw - Lluosi: Cyrsiau Mathemateg i Oedolion

Cyrsiau mathemateg a techneg am ddim - gwelwch https://www.gllm.ac.uk/cy/lluosi

(Cliciwch ar y delwedd i weld y poster)

Cliciwch ar y delwedd uchod am fwy o wybodaeth.

Grant o hyd at £1,500 ar gael ar gyfer grwpiau cymunedol:

https://tescostrongerstarts.org.uk/

Mae'r wefan yn son am ysgolion a grwpiau ar gyfer pobl ifanc yn arbennig ond mae grwpiau yn y gorffennol wedi cael arian ar gyfer gweithgareddau fel creu gardd gymunedol, llogi ystafelloedd, grwp coginio, hyfforddi staff a gwirfoddolwyr a phrynu offer.

HYSBYSIAD AM GWBLHAU ARCHWILIAD AC AM YR HAWL I AROLYGU’R COFNOD BLYNYDDOL COFNOD BLYNYDDOEDD AM Y FLWYDDYN YN GORFFEN 31 MAWRTH 2023

Datblygu Lleol

Mae hyd at £10,000 i ariannu prosiect Datblygu Lleol dan Arweiniad y Gymuned i gael trwy Gronfa Ffyniant Gyffredin y DU (CFfG).

Am fwy o fanylion gwelwch yma.

Plannu Coed yn y Fynwent

Mae gwirfoddolwyr wedi bod yn plannu coed yn y fynwent. Darllenwch fwy...

Cronfa Cyfle i Bawb yr Urdd

Mae Cronfa Cyfle i Bawb yr Urdd yn rhoi’r cyfle i bob plentyn yng Nghymru i fwynhau gwyliau haf, beth bynnag fo’u cefndir neu eu hamgylchiadau ariannol.

Gall rhieni, warchodwr neu athrawon wneud cais i’r gronfa i dalu am wyliau yn un o wersylloedd haf yr Urdd i blentyn neu berson ifanc sy’n dod o gefndir incwm isel. Bydd y gronfa yn talu am bris cyfan y cwrs.

Gwelwch yma am fwy o fanylion. Neu ewch i wefan yr Urdd

Cliciwch ar y posteri am fwy o wybodaeth.

Banc Bwyd

Os wyddoch chi am unrhyw un a fyddai’n elwa o gymorth banc bwyd yna os gwelwch yn dda e-bostiwch ein Cynghorydd Sir, Austin Roberts, ac fe all drefnu hyn.

Gwelwch y postar.

Canolfan Gynnes

Pob dydd Mawrth o 10:00 - 12:00

yn Eglwys St. Digain, Llangernyw

Dewch am baned a sgwrs - croeso i bawb

Bore dydd Mawrth, Mawrth 21 ain daeth 10 ynghyd i’r Hwb cynnes yn Eglwys St Digain o 10am -12.00pm Rydym yn cyfarfod bob bore Mawrth i gael paned a sgwrs a rhoi y byd yn ei le. Roedd Gwenda Cooper wedi paratoi cawl cennin blasus i ni gyda bara ffres. Diolch i’r Cynghorydd Sir, Mr Austin Roberts am ddod hefyd, mae pawb yn falch o’i weld i drafod materion yn yr ardal ac mae’n braf ei weld wyneb yn wyneb. Diolch i Gwenda am drefnu hyn bob bore

Addurno'r Pentrefi

Mae pawb wedi bod yn brysur yn y tri pentref yn plannu blodau’r haf yn nhybiau y Cyngor Cymuned a rhai Conwy. Diolch i chi i gyd am helpu unwaith eto. Mae’n rhoi croeso i’r pentrefi i gyd.

Menter Bro Cernyw

Mae Menter Bro Cernyw wedi cymeryd drosodd y toiledau gan Gyngor Conwy.

Arwahan i'r holl ymwelwyr sy'n dod i'r pentref i weld y gwahanol atyniadau, mae llawer o grwpiau cerdded yn gwerthfawrogi bod y toiledau ar agor ac yn lan.

Os am gyfranu gwelwch ein tudalen.

Twyll Ffôn

Rhybydd gan Heddlu Dyfed-Powys (cliciwch yma i weld y ddogfen (PDF)):

Lotto Lwcus

Mae Lotto Lwcus wedi ei sefydlu i helpu sefydliadau a chlybiau lleol i godi arian.

Os ydi'ch mudiad chi eisio fanteisio ar y cynllun yma, cliciwch yma i weld fwy o fanylion.

Neges pwysig ynglyn â toileau'r pentref ar dudalen Menter Bro Cernyw.

Arbed Ynni

Cysylltwch a NYTH/NEST am grantiau a chyngor ar sut i gynhesu eich tai. www.nestwales.org.uk neu Rick.ward@nest.org.uk 07903 443 655

Cynnal y Wefan

Gwefan sydd wedi ei gosod gan Gyngor Cymuned Llangernyw ar gyfer y gymuned i gyd yw hon. Yr ydym yn gobeithio bydd y wefan yn dod yn ganolbwynt gwybodaeth ar gyfer yr ardal o gwmpas Llangernyw, Gwytherin a Phandy Tudur.

Os oes rhywbeth y basech yn hoffi ei weld ar y wefan, neu os oes gennych unrhyw awgrymiad ar sut i wella'r wefan cliciwch yma ar gyfer cysylltu ag Arfon Parry, chynhaliwr y wefan.

Yr wythnos nesaf...

Rhaglen Ffit Conwy